AZE
ENG RUS
İdman gimnastikadan başlayır

Aerobika Gimnastikası üzrə 11-ci Avropa Çempionatı

Məlumat Proqram İştirakçılar Nəticələr Faydalı məlumatlar

24-26 may tarixlərində Bakıda ilk dəfə olaraq, Aerobika Gimnastikası üzrə Avropa Çempionatı keçiriləcək.

Gimnastikanın müxtəlif növləri üzrə bir çox irimiqyaslı yarışlara ev sahibliyi edən Milli Gimnastika Arenası bu dəfə öz qapılarını Avropanın dinamik və enerjili gimnastika növünün təmsilçilərinə açacaq.

3 gün davam edəcək çempionatda aerobika gimnastları medallar uğrunda mübarizə apararaq, öz aralarında ən güclüləri müəyyənləşdirəcəklər.

Böyük və gənc gimnastlar fərdi qadın və kişi, qarışıq cütlük, üçlük, qrup, həmçinin aero dans, aero step (yalnız böyüklər) proqramında yarışacaqlar. Qaydalara əsasən, bir iştirakçı bu kateqoriyaların maksimum 3-də çıxış edə biləcək. Komanda hesabında qaliblər isə 5 ən yaxşı çıxışa görə müəyyən ediləcək. Qeyd edək ki, çempionatda hər bir kateqoriya üzrə təsnifat və final mərhələri baş tutacaq.

Qeyd edək ki, çempionatda 22 ölkədən gimnastların çıxış edəcəyi gözlənilir. 

Aerobika ulduzlarının icrasında həyəcanlı gimnastika şousunu izləmək istəyən tamaşaçılar artıq öz biletlərini Arenanın kassasından, 28 Mall və Gənclik Mall alış-veriş mərkəzlərindən, həmçinin onlayn https://ticketing.mga.az/ əldə edə bilərlər. Təsnifat və final günlərindən, həmçinin yerlərdən asılı olaraq, biletlərin qiyməti 8, 10, 12 və 15 manat təşkil edir.

Xatırladaq ki, Federasiyasının bu il daha sərfəli şərtlərlə təqdim etdiyi Mövsümi Bileti də gimnastika yarışlarının daimi izləyiciləri (ətraflı: http://agf.az/az/news/2151//competitions/information/159) Arenanın kassasında ala bilərlər.

Yarışlar haqda məlumatlar mütəmadi olaraq saytımızda yenilənəcək.

Yarışların başlama vaxtı:

24 may -  12:00

25 may – 12:00

26 may – 10:00

Məkan: Milli Gimnastika Arenası

Telefon: (+994 12/51) 566-96-99

Ünvan: Bakı, H.Əliyev pr., 178

Keçid: “Koroğlu” metro stansiyası