Kişi İdman Gimnastikası üzrə 1-ci AGF Junior Trophy adlı Beynəlxalq Turnir

Mart ayında idman gimnastikası üzrə ənənəvi dünya kubokundan öncə Milli Gimnastika Arenası gənc kişi idman gimnastlarını qonaq edəcək.

7-8 mart tarixlərində Azərbaycan Gimnastika Federasiyası ilk dəfə olaraq kişi idman gimnastikası üzrə “1-ci AGF Junior Trophy” adlı beynəlxalq turnir təşkil edəcək.

Turnirdə gənclər yaş qrupuna daxil olan 2003-2006-cı il təvəllüdlü gimnastlar öz bacarıqlarını nümayiş etdirəcəklər.

Yarışa ilkin qeydiyyat siyahısına əsasən turnirdə iştirak üçün 7 ölkədən olan nümayəndə heyətləri tərkibində ümumilikdə 33 nəfərin ölkəmizə səfər edəcəyi gözlənilir.

Qeyd edək ki, bu yarış 27-31 may tarixində elə Milli Gimnastika Arenasında təşkil ediləcək kişi idman gimnastikası üzrə Avropa Çempionatından öncə gənc gimnastlar üçün bir növ sınaq turniri rolunu oynayacaq.

Yarışa biletləri Arenanın kassasından, həmçinin onlayn (https://ticketing.mga.az/) əldə edə bilərsiniz. Biletlərin qiyməti turnirin təsnifat mərhələsi üçün 8, final mərhələsinə isə 10 manat təşkil edir.

Bundan əlavə, Azərbaycan Gimnastika Federasiyasının təqdim etdiyi Mövsümi Bileti də gimnastika yarışlarının sadiq tamaşaçıları Arenanın kassasında əldə edə bilərlər.

Yarışlar haqqında mütəmadi olaraq yenilənən məlumatlar saytımızda (https://agf.az/az/competitions/)  əks olunacaq.

Məkan: Milli Gimnastika Arenası

Telefon: (+994 12/51) 566-96-99

Ünvan: Bakı, H.Əliyev pr., 178

Keçid: “Koroğlu” metro stansiyası

Avtobus cədvəli